اوعى البانيه

إوعى البانيه!!!!!!!!!
كلنا بنعمل بانيه.. بس بانيه كل واحدة له طعم مختلف عن التانية.. ايه رأيكوه تجربوا طعم البانيه بتاعى؟ واللى تجربه تقولى..ابتسامات
المقادير دى لنصف كيلو بانيه.. ودى حسب تقديرى مش لازم تتقيدى بيها.. ممكن تقللى أو تنقصى اللى يعجبك حسب رغبتك..
خلطة التتبيله: 1 كوب زبادى - 1 بصله كبيرة مفرومه كويس - 5 فصوص ثوم مفروم -1 فلفل اخضر مفروم - ملح - فلفل - قليل من الكمون - بهارات - كارى - ملعقة كبيرة خل - عصير 4 أو 5 ليمونات
تتبليه وتبيتيه فى الفريزر ليله أو لحد ما تستخدميه.. المهم يكون فى الفريزر متبل.. وممكن تستخدمى التتبيله مرة واحدة كمان بس تزوديلها الليمون..
لما تيجى تحمريه ماتتبليش البيض لانك هاتستخدمى خلطه متبله للتحمير.. فيجيتار مثلا أو سبايسى.. عادى أو حار.. وممكن تخلطى العادى مع الحار عشان يبقى "حرش" مش حراق..
ولما تحمريه ماتستنيش لما لونه يغمق.. طلعيه وهو فاتح لأنه هايغمق لما يبرد شويه.. وبألف هنا وشفا..ابتسامات

اوع الاكلات التحفه دي ياجماعه تسلم ايدك

ههههههههه
عجبتك ياعلم
عمايل ايديا وحياه عينيا