ازاي تعرف انك ماشي في شارع مصري
1_لما تبقى راكب عربيتك وتقف فى اشاره جمب ميكروباص او سرفيس هتلاقى كل ركاب الميكروباص بينظروا ليك فى وقت واحد نظره ملهاش معنى
2_لما تلاقى عربيه الزباله وهيا بتلم الزباله فى الشارع والزباله عماله تقع من على اليمن والشمال
3_لما تلاقى عمود الاناره منور بنوره الاصفر زى كبايه الينسون..........وبيبقى مطفى فى اوقات كتيره لو كان الشارع مش مهم
4_لما تلاقى الترزى كاتب على باب المحل بتاعه من بره ايه بتقول ..... وفصلنا كل شئ تفصيلا... صدق الله العظيم
5_لما تلاقى محل عصير قصب مقرف اوى وكاتب ايه بتقول.........وسقاهم ربك شرابا طهورا........صدق الله العظيم
6_لما تبقى فى عربيتك رايح مصلحه وعاوز تركن العربيه هتلاقى واحد بيقولك...........ورا ياباشا ورا .................
وهو عينه على عربيه تانيه عاوزه تركن
7_ولما تخلص مصلحتك وتيجى تركب عربيتك تلاقى المساحات مرفوعه عشان تعرف على طول ان فى واحد مسحها وهياخد منك جنيه
8-لما تلاقى فى المدارس الطالب احسن من استاذه شكلا ومضمونا
9_لما تلاقى عربيات النقل والنص نقل وكل تاكسى كاتب جمل متعودين عليها زى
......يقينى بالله يقينى.........
.........للبيع عشان ترتاحوا.........
----.زعين الحسود فيها عود.......
ابو احمد واميره...................الخ الخ
10_لما تلاقى على مقاعد الكرنيش ولد وبنت قاعدين والولد بيبص للبنت وهيا لويا بوزها عنه
11_لما تلاقى واحد راح جاى جمب الحيطه ومودى ضهره للشارع وباصص للحيطه وبيعمل زى ما الناس ما بتعمل كانه فى الحمام
12_لما تلاقى كل سواق تاكسى وهو بيقف فى اشاره فيها امين شرطه بيربطوا كلهم حزام الامان فى وقت واحد وكلهم بيبصوا لامين الشرطه فى وقت واحد
13_لما تكون طريقه السؤال بتاعتنا طريقه دينيه زى ...............الساعه كام والنبى .............هو محل كذا فين والله...
14_لما يبقى فى منحنى فى الطريق فتهدى بالعربيه تلاقى عامل عمال يكنس جمب العربيه وبيقولك كل سنه وانت طيب يا باشا ....................عاوز حسنه
منقووول
[flash][/flash]
الأربعاء أكتوبر 01, 2008 3:56 am
